O‘zbekiston delegatsiyasi 12-mart kuni Tokioda bo‘ladigan O‘zbekiston—Yaponiya biznes forumida ishtirok etadi, deya xabar bermoqda O‘zbekiston TIV matbuot xizmati.
Delegatsiya tarkibidan Tashqi ishlar vazirligi, Investitsiyalar bo‘yicha davlat qo‘mitasi, UzTrade kompaniyasi, Surxondaryo viloyati hokimligi vakillari o‘rin olgan.
O‘zbekistonning Tokiodagi Elchixonasi ma’lumotiga ko‘ra, forumda Yaponiya tashqi ishlar, iqtisodiyot, savdo va sanoat, moliya vazirliklari, tashqi iqtisodiy aloqalarga ixtisoslashgan davlat tashkilotlari vakillari, o‘z sohalarida yetakchi kompaniyalar va firmalar, moliyaviy tuzilmalar rahbarlari ishtirok etadi.
Tadbirda Yaponiyaning rasmiy va ishbilarmon doiralari O‘zbekistondagi ijtimoiy-iqtisodiy o‘zgarishlar, chet el investorlari uchun yaratilayotgan afzalliklar va qulay sharoitlar, o‘zaro manfaatli va boshqa aniq loyihalarni amalga oshirish istiqbollari bilan tanishishi kutilmoqda.
Izoh (0)