Корея Республикаси президентининг хавфсизлик бўйича бош маслаҳатчиси Чон Ий Ён мазкур ҳафта АҚШга ташриф буюради. У ерда мамлакат раҳбариятини КХДРга ташрифи ва унинг етакчиси Ким Чен Ин билан учрашуви натижалари ҳақида хабардор этади. Бу ҳақда 7 март куни президент маъмурияти маълум қилди, деб ёзади «ТАСС».
«АҚШга ташриф мазкур ҳафтада бўлиб ўтади», — дейилади ҳужжатда. Ташриф давомида Чон Ий Ён мамлакат раҳбариятига КХДР мактубини ҳам етказади. Унинг мазмуни ошкор этилмаяпти.
Вашингтонга ташрифдан сўнг Мун Чжэ Иннинг элчиси Россия ва Хитойга йўл олади.