Кремль Американинг Россияга қарши санкцияларини узайтиришини ноқонуний деб ҳисоблайди, деб хабар беради «РИА Новости».
«Бу кун тартибидаги бизнинг масаламиз эмас. Президент таъкидлаганидек, биз ҳеч қачон бу санкциялар ташаббускори бўлмаганмиз. Биз уларни ноқонуний ва нафақат икки мамлакат халқига, балки бутун дунёга зарар келтирувчи деб ҳисоблаймиз», — дейди Россия президентининг матбуот котиби Дмитрий Песков.
Бир неча кун аввал АҚШ президенти Дональд Трамп Россияга қарши санкцияларни яна бир йилга узайтириш ҳақида кўрсатма берди. Вашингтон мазкур чеклов тартибини Қрим ва Украинадаги вазият туфайли 2014 йилда жорий этган эди. Санкцияларга, шунингдек Евро Иттифоқ мамлакатлари, Канада, Норвегия ва Австралия ҳам қўшилди.
Изоҳ (0)