50 Cent (Кёртис Жексон) судга ҳеч қачон бирорта ҳам биткоинга эгалик қилмаганини ва Animal Ambition альбоми учун криптовалютада тўлов олмаганини маълум қилди, деб ёзади TJournal. Бу ҳақда мусиқачининг банкротлиги ҳақидаги ҳужжатларда айтилади.
Судга тақдим этилган ҳужжатларда рэпер ОАВларни у биткоинларда 8 миллион доллар ишлаб олгани ҳақида ёлғон хабарларни тарқатганликда айблади, улар, гўёки, унинг банкротлик ҳақидаги ишини кўриб чиқиш вақтида тилга олинмаган.
Рэпер аниқлик киритишича, матбуотнинг унинг бойлиги ҳақидаги ахборотини рад этмаган, чунки одатда «материал унинг имижига ёки брендига зарар етказмаса, ҳеч қандай чора кўрмайди». Мусиқачи ўз альбоми учун биткоинларда олган ўша 400 минг доллар рэпер ёки унинг вакиллари қўлига келиб тушгунига қадар, учинчи тараф томонидан нақд пулга айлантирилган.
2015 йилда банкрот бўлганини эълон қилган 50 Cent 24 январда яна бойиб кетгани ва криптовалюта савдосидан етти миллион доллар ишлаб олгани ҳақида хабар берилган эди. Хабарга кўра, рэпер 2014 йилда тақдим этилган Animal Ambition номли альбомини криптовалютага сотган ва ўша вақтдаги нархда қийматда 400 минг доллар бўлган биткоин ишлаб олган. У шу вақтга қадар криптовалютасидан фойдаланмаган. 2017 йилнинг охирига келиб, биткоиннинг нархи 11—12 минг долларга кўтарилганда у ўз криптовалютасини сотган ва етти миллион доллардан ортиқ даромад ишлаб олган.
Изоҳ (0)