Андижон вилоятининг Марҳамат тумани, «Мингтепа» маҳалласида 21 февраль куни соат 17.16 да ёнғин содир бўлди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Маҳалланинг Олмазор кўчаси, 1-уйда яшовчи М.Мамараҳимованинг уйида келини И.Муротова электр иситиш печи устида қайнаб турган темир чойнак ичига сув деб ўйлаб, газолин суюқлигини қуйиб юборади.
Бунинг оқибатида хонадаги елим идишда сақланаётган газолин суюқлигидан сизиб чиқиб, хонага тўпланиб қолган газ ва ҳаво аралашмасидан портлаш содир бўлади.
Ёнғинни ўчириш вақтида И.Муротованинг 2017 йилда туғилган ўғли куйиш жароҳатлари олиб, воқеа жойида ҳалок бўлди. Унинг ўзи ва 2011 йилда туғилган қайнсинглиси касалхонага ётқизилди.
Изоҳ (0)