Испанияда «рус мафияси иши»га оид суд жараёни бошланади

Испания миллий суд палатасида 19 февраль куни салкам 10 йилдан буён тергов қилинаётган россиялик фуқароларнинг Испанияда «пул ювиш»ига алоқадор жараён — «рус мафиясининг иши»ни кўриб чиқиш бошланади, деб хабар берди «РИА Новости».

Бугун, 19 февраль куни 18 нафар судланувчига прокуратура айблов эълон қилади. Судланувчилар орасида Россия Давлат думаси депутати Владислав Резник ҳам бор. Прокуратуранинг айблов хулосасида 27 нафар одамнинг фамилияси келтирилган. Тахминларга кўра, суд икки ҳафта давом этади.

Мазкур иш бўйича айбланаётганлар, жумладан, асосий гумондор Геннадий Петров қаерда эканлиги номаълум.

Суд иши ўтган йилнинг 12 июнида бошланиши керак бўлган, бироқ судланувчилардан бирининг аҳволи оғирлашиб қолгани сабаб қолдирилган эди. Айбланувчилар 5,5 йилдан 8,5 йилгача озодликдан маҳрум этилиши, шунингдек, 2,7 миллиард евро жаримага тортилиши мумкин.

Прокуратуранинг ҳисоблашича, 1996 йилда Россия фуқаролари Испанияда кўчмас мулк сотиб олиб «пул ювиш» схемасини яратган.