АҚШнинг Флорида штати Паркленд шаҳридаги мактабда юз берган отишмада омон қолган 19 ёшли битирувчи Крис Грэйди ва бошқа ўқувчилар АҚШнинг бир нечта шаҳарларида норозилик намойишлари ўтказишини маълум қилди. Намойишларда улар қурол савдоси ва уни олиб юриш бўйича қонунлар қатъийлаштирилишини талаб қилади, деб ёзади «Газета.ru».
18 февраль куни Грэйди ва унинг дўстлари қуролларга оид қонунчиликнинг қатъийлаштирилишини қўллаб-қувватлаб, Паркленд шаҳрида пикет ўтказди. Жорий йилнинг март ойида улар Флорида маркази Таллахасси ва АҚШ пойтахти Вашингтон шаҳрида норозилик намойишларини ўтказишни режалаштирмоқда.
«Биз мазкур турдаги фожиа билан тўқнаш келган болалар ва минглаб бошқа инсонларнинг овози бўлишни истаймиз», — дейди Грэйди.
Изоҳ (0)