Янги кўринишдаги ҳайдовчилик гувоҳномаларини бериш тизими яна ишга тушди, деб хабар қилмоқда «Carzone.uz» Facebook’даги «Водители Ташкента» гуруҳига таяниб.
«Ҳайдовчилик гувоҳномаси олиш жараёни бироз осонлашган. Соат 14:00 да етиб келдим. Ариза ёзишга 2 дақиқа вақт кетди. Ундан сўнг кассага пул тўладим. Бунга кассада навбат бўлгани туфайли 10 дақиқа вақт кетди. Кейин ҳужжатларни 3-хонага топширдим – 15 дақиқа. Сўнг 5-хонада суратга тушдим – яна 10 дақиқа. Ўша ерда барча ҳужжатларни қолдирдим. Кейин кутиб турдим. Умуман ҳамма югур-югурга 2 соатдан кам вақт ва 126 минг сўм пул кетди», — деб ёзиб қолдирган Дилшод Насиров номли фойдаланувчи.
Унинг айтишига кўра, янги кўринишдаги ҳайдовчилик гувоҳномасини олиш учун паспорт, ҳайдовчилик гувоҳномаси, талон ва имтиҳон варақаси керак бўлган холос. Тўланган пулнинг 121 минг сўми кассага, 5 минг сўми ариза тўлдиришга кетган.
«Шундан бошқа ҳеч қандай маълумотнома ёки сизнинг бир йилдан ортиқ ҳайдовчилик тажрибангиз борлигини тасдиқлайдиган автомобиль техпаспорти керак эмас!», — деб қатъий маълумот билдирган гуруҳ аъзоси.
Юқорида айтиб ўтилган ҳолат Файзободдаги ЙҲХБда 15 февраль куни бўлиб ўтган. Нашр эслатишича, бир неча кун олдин янги кўринишдаги ҳайдовчилик гувоҳномалари бериш вақтинча тўхтатилгани хабар берилган эди.
Изоҳ (0)