АҚШ Ҳарбий-денгиз кучларининг Carl Vinson атом авианосеци бошчилигидаги зарба бериш гуруҳи март ойида Вьетнамдаги Дананг портига ташриф буюради. Бу масала икки мамлакат томонидан тўлиқ келишилган. Бу ҳақда 19 февраль, душанба куни Япониянинг Nikkei газетаси маълум қилди, деб ёзади «ТАСС».
АҚШ атом авианосеци Вьетнамда 1975 йилда уруш якунланиб, америкалик ҳарбийлар у ердан эвакуация қилингандан сўнг илк бор мамлакатга киради.
Ҳозирги пайтда Carl Vinson бошчилигидаги зарба гуруҳи Филиппинга ташриф билан борган. Шундан сўнг у Пекинга босим ўтказиш учун Жанубий Хитой денгизида патруль қилиши кутилмоқда.
Carl Vinson’нинг Вьетнамга кириши ушбу мамлакатнинг АҚШ билан яқинлашувига урғу бериш ва уларнинг ХХРни тийиб туриш учун хавфсизликни таъминлаш соҳасидаги муносабатларини мустаҳкамлашга қаратилган.
Изоҳ (0)