Британиянинг Суонси шаҳридаги Моррисон шифохонаси ходимлари 3D-принтер ёрдамида беморга кўкрак тўқимасини чоп этди. Бу ҳақда ABMU Health Board хабар бермоқда.
Саратон ўсимтаси туфайли 71 ёшли Питер Меггзнинг учта қовурғаси ва кўкрак суягининг ярми олиб ташланди.
Одатда бундай ҳолларда жарроҳлар тиббий цементдан фойдаланиб, протез ясар эди. Бироқ 3D-чоп этиш технологияси титан моддасидан имплант тайёрлаш ва операция вақтини икки соатга қисқартириш имконини берди. Протез тайёрлашда Меггз кўкрак тўқимасининг компьютер тамографиясидан фойдаланилди. Бу ҳолат Британияда биринчилардан бўлиб амалиётга татбиқ этилди.
Операция саккиз соат давом этган. Шифокорларнинг сўзларига кўра, имплант беморнинг организмига яхши жойлашган. Улар келгусида ҳам мазкур протезлардан фойдаланишни режалаштирмоқда.
Изоҳ (0)