Тожикистоннинг Ўзбекистондаги элчихонаси янги биноси учун Тошкент шаҳри марказидан бир гектар ер ажратилади. Бу ҳақда, Тожикистон ҳукуматидаги манбага асосланиб, «News.tj» хабар берди.
Ажратилган ерда элчихона биносидан ташқари дипломатлар учун уй-жой, ваколатхонага керакли бўлган бошқа объектлар қурилади.
Хабар беришларича, барча қурилиш ва ободонлаштириш ишлари Тожикистон бюджети ҳисобидан молиялаштирилади.
Манба яқин орада Душанбеда ҳам Ўзбекистон элчихонаси учун ер ажратилишини тахмин қилди.
Изоҳ (0)