Қашқадарё вилоятининг Косон туманида 9 февраль, соат 20:30 ларда жиноят содир этилди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси маълум қилди.
Туманнинг «Равот» МФЙ, Тоғ этаги кўчасида яшовчи, 1999 йилда туғилган Х.Қурбоновнинг уйида оилавий жанжал юз беради. Можаро асносида Х. Қурбонов отаси Ш.Рўзиевнинг биқинига пичоқ уриб, жароҳат етказади.
Ш.Рўзиев олинган жароҳатлар оқибатида 10 февраль куни соат 16.50 ларда ҳаётдан кўз юмди. Х.Қурбонов қўлга олинди.
Изоҳ (0)