Самарқанд шаҳридаги «Регистон» меҳмонхонаси боғбони ўз куёвини ўлдириб берган шахсга 300 доллар пул ваъда қилди, дея хабар бермоқда Ўзбекистон ИИВ Жамоатчилик ва оммавий ахборот воситалари билан алоқалар бошқармаси.
Хабар беришларича, 58 ёшли боғбон Тайлоқ туманида яшовчи куёвини ўлдириш учун одам ёллаб беришни сўраб, ҳамқишлоғига мурожаат қилган. Куёвининг ўлими учун у 300 доллар ваъда қилган.
Боғбоннинг ҳамқишлоғи бу ҳақда Оқдарё тумани ИИБга маълум қилган. Шундан сўнг, ИИБ томонидан махсус тадбир уюштирилган.
«9 февраль куни куёвнинг юз қисми қонга бўялган ҳолда мобил телефонга олинган сурати Даҳбед қўрғонидаги чойхонада боғбонга кўрсатилган. Шундан сўнг, боғбон 300 АҚШ долларини ‘ёлланма қотилъга берган вақти қўлга олинган», — дейилади ИИВ ахборотида.
Изоҳ (0)