Аввалроқ, Шавкат Мирзиёев 9 февраль куни Тошкент шаҳрида амалга оширилаётган бунёдкорлик ва ободонлаштириш ишлари билан танишаётганлиги ҳақида хабар берилганди.
Ўзбекистон Президенти Олмазор тумани Қичқириқ канали бўйида бунёд этилаётган маданият ва истироҳат боғининг лойиҳаси билан танишди, деб хабар беради Президент матбуот хизмати.
Боғда болалар ва спорт майдончалари, замонавий аттракционлар ташкил этилади. Абдулла Қодирий ва Чўлпон номидаги кутубхоналар, Нуронийлар маскани қурилади.
Шавкат Мирзиёев кутубхоналарнинг пойтахт мактаблари билан ҳамкорлигини йўлга қўйиш, Абдулла Қодирий ва Чўлпон ижодини ёшларга чуқурроқ ўргатиш зарурлигини таъкидлади.
Шунингдек, Шавкат Мирзиёев мактаб дастурига шахмат дарсини киритишни таклиф қилди.
Изоҳ (0)