Америкалик модель Кайли Женнер Instagram’да «лайк»лар сони бўйича янги рекорд ўрнатди

Америкалик модель Кайли Женнернинг Instagram’даги пости ижтимоий тармоқ тарихидаги энг оммабопи бўлди, деб ёзади «РИА Новости».

https://instagram.com/p/Be3rTNplCHf/?utm_source=ig_embed

7 февраль, чоршанба куни модель 1 февраль куни дунёга келган қизининг суратини эълон қилди. Бир кеча-кундузнинг ўзида пост 14 миллиондан ортиқ «лайк» йиғди. Женнернинг обуначилари сони эса 103 миллион.

Йигирма ёшли модель Кайли Женнер «Кардашьянлар оиласи» телешоусидаги иштироки туфайли танилган. У, шунингдек, Forbes журналининг энг кўп даромад олувчи 30 ёшгача бўлган машҳурлар ўнлигига ҳам кирган. 4 февраль куни у фарзанд кўрганини маълум қилди ва ҳомиладорлигини мухлисларидан бекитганини тан олди.

Женнернинг пости оммабоплик борасида «Реал» ва Португалия термаси форварди Криштиану Роналдунинг пости (11,3 миллионта «лайк»)ни ортда қолдирди.

https://instagram.com/p/BbaImIfFr0h/?utm_source=ig_embed