5 февраль куни Тошкентда таркибига 30 та филиални бириктирган, ягона автоматлаштириш тизимида ишловчи франчайзинг дорихоналар биринчи тармоғининг расмий очилиш маросими бўлиб ўтди.
«АрзонАптека» — бу франчайзинг дорихоналарнинг биринчи ўзига хос тармоғидир, улар маҳаллий FOM GROUP компанияси ходимлари томонидан ишлаб чиқилган ягона автоматлаштириш тизими — Ф-Аптека дастурий таъминоти билан жиҳозланади. Бугунги кунда Республика бўйлаб мавжуд 7200 та дорихоналардан 1200 таси Ф-Аптека дастури билан автоматлашган. Ишлаб чиқилган ва фойдаланишга туширилган, ўзига 280 та дорихонани онлайн режимида қамраб олган ягона маълумотлар хизматидан ташқари, дастур энг ҳамёнбоп дори воситаларини излаш учун ўз мобил иловасига ва Telegram ботига ҳам эга.
Автоматлашган франчайзинг дорихоналар тармоғи нафақат ишлаб чиқарувчилар, дистрибуторлар, дорихона эгалари ва фарм-бизнеснинг бошқа иштирокчилари учун, балки бевосита истеъмолчилар томонидан мавжуд қатор муаммоларни ҳал этишга қаратилган.
Хусусан, бундай тармоқ дистрибуторларга, бир вақтнинг ўзида катта харажатлар; омборхоналарнинг ликвидлиги; катта дебитор қарздорлиги, паст айланувчанлик, дебиторлик қарзларининг қайтмаслиги каби муаммоларни ҳал этиш имконини беради. Дорихона эгалари паст тўлов қобилияти, паст сотувлар ва ортиқча келиш нархлари туфайли бизнеснинг норентабеллиги каби бир қатор муамолардан қутулишга муваффақ бўладилар.
«АрзонАптека» тармоғининг очилиши харидорлар учун, улар ҳар куни дуч келадиган қийинчиликдан қутулиш имконини беради: яшаш жойига яқин ҳудуддан маъқул нархларда ҳаммасини бир жойдан сотиб олиш. Дистрибуциянинг бутун занжири бўйлаб иш самарадорлигини ҳамда барча бизнес-жараёнларни ошириб, «АрзонАптека» тармоғи асосий эътиборни ўз харидорлари учун максимал қулай шароитлар яратишга қаратади. Хусусан, «энг маъқул нарх» кафолати ҳақида эълон қилади.
«Биз ‘АрзонАптека’ тармоғининг тушунарли ва асосийси, самарали иш алгоритмини яратдик. АрзонАптека тармоғимизнинг ўсиш салоҳиятини чамалаб ва Тошкентнинг ҳар бир фуқаросига етиб боришини таъминлашга интилиб, биз шу йил охиригача франчайзинг дорихоналарнинг 300 та филиалларини очишни, бутун Республикамиз бўйлаб эса уч йил давомида 1000 тагача дорихоналар очишни мўлжал қиляпмиз. Биз харидорларимиз учун энг маъқул нархларни кафолатлашни дадил эълон қилишимиз мумкин, чунки биз яратган бизнес-жараёнлар дистрибуциянинг бутун занжири бўйлаб умумий транзакция харажатларини камайтиради, дорихоналарнинг ягона тармоққа бирлаштирилиши дори-дармон воситаларининг улгуржи нархларини пасайтиради, ауцорсинг-компания эса бутун бозор бўйлаб нархлар мониторингини амалга оширади, препаратларга ‘тўғри’ нархларни белгилайди», — дейди «АрзонАптека» асосчиси Мурат Маҳкамов.
Харидорлар учун «маъқул нарх» дан ташқари, «АрзонАптека» тармоғи ўз мижозларига яна бир муҳим афзаллик – «ҳаммасини бир жойдан» сотиб олишни кафолатлайди. Бундай ваъдани тармоқ эгалари сотувларни тўғри башорат қилиш ва препаратларни улгуржи сотиб олишни режалаштириш орқали бажариш ниятидалар, бу эса тармоқ дорихоналари пештахталарида дори воситаларининг кенг ассортиментини таъминлайди. «АрзонАптека» франчайзинг дорихоналар тармоғи лойиҳаси, шунингдек, Москвадаги Сколково бизнес-мактаби етакчи ўқитувчиларидан бири Булат Нуриевнинг ҳам юқори баҳосига сазовор бўлди: «Ҳайратли лойиҳа, ўз соҳасидаги ҳақиқий инновация. Ишончим комилки, тармоқ ривожланиши давомида ушбу технологияларни қўлланишнинг жуда кўп имкониятлари пайдо бўлади, ва беш йилдан кейин бу лойиҳа асосида янги фаолликларни ишга тушириш мумкин бўлади».
FOM GROUP компанияси ҳақида
FOM GROUP МЧЖ– Мирзо Улуғбек номидаги Инновацион марказ таркибига кирувчи, ахборот технологиялари сохасидаги етакчи компаниялардан бири. Асосий фаолият – бизнес жараёнларни оптимизация қилиш учун ахборот технологияларини қўллаган ҳолда инновацион ечимлар ишлаб чиқариш ва ушбу ечимларни ҳаётга тадбиқ этиш.
Реклама ҳуқуқи асосида!
Изоҳ (0)