Хитойнинг энг биринчи автомобиль ишлаб чиқарувчиси — China FAW Group 2017 йилда бозорга 3,4 миллиондан ортиқ автомобиль чиқарди. Бу ҳақда 5 февраль, душанба куни «Синьхуа» агентлиги маълум қилди, деб ёзади «ТАСС».
China FAW Group компанияси 2017 йил якунларига кўра, бозорга 3,408 миллион транспорт воситаси чиқарган. Бу 2016 йилги кўрсаткичдан 7,2 фоизга ортиқ.
Автоконцерн хорижий бозорларни ҳам фаол ўзлаштирмоқда. Ахборот агентлиги маълумотига кўра, компания ишлаб чиқарган 40 мингдан ортиқ автомобиль экспорт қилинган. Шу тариқа, йиллик экспорт ўсиши 2016 йил билан таққосланганда 92,7 фоизни ташкил этди.
Хитойдаги илк автозавод — China FAW Group’га 1953 йилда Чанчун шаҳрида асос солинган.
Изоҳ (0)