Қозоғистонда Ўзбекистон йили расман 15 мартдан бошланади, деб хабар беради «Казинформ».
Қозоғистон ҳамда Ўзбекистон элчихоналари ташаббуси билан Қозоғистон Республикасининг Ўзбекистондаги элчиси Ерик Утембаев ва «Ўзбеккино» миллий агентлиги бош директори Фурқат Зокиров ўртасида учрашув бўлиб ўтди. Учрашувда бош директорнинг биринчи ўринбосари Шуҳрат Ризаев ва халқаро муносабатлар бўлими бошлиғи Г.Ризавей иштирок этди.
Ерик Утембаевнинг маълум қилишича, Қозоғистонда Ўзбекистон йили Марказий Осиё етакчиларининг Остонада бўлиб ўтадиган саммити вақтида, яъни 2018 йилнинг 15 мартида расман очилишни режалаштирган.
Шунингдек, элчи Қозоғистоннинг Остона ва Олмаота каби йирик шаҳарларида Ўзбекистон киноси кунларини ўтказишни ташкиллаштириш таклифини ҳам ўртага ташлади.
Изоҳ (0)