Ўзбекистонда уч кун ичида иккинчи маротаба йўл ҳаракати қоидаларини бузган ҳайдовчининг Йўл-патруль хизмати ходимини уриб кетиши ҳолати кузатилди, деб ёзади «Подробно».
«3 февраль куни 11:20 да Бухоро вилоятининг Пешку туманида яшовчи 1983 йилда туғилган Ф. Бақоев Ибн Сино кўчасида Spark русумидаги автомобилни бошқараётиб, ушбу кўчада хизмат ўтаётган Йўл ҳаракати хавфсизлиги бошқармаси Йўл-патруль хизмати инспектори Т. Асадовни уриб кетди», — дея маълум қилишди ИИВда.
Олган жароҳатлари натижасида Асадов касалхонага ётқизилди. Айни пайтда текширув олиб борилмоқда.
Нашр эслатишича, 1 февраль куни Хиванинг Амир Темур кўчасида «ВАЗ-2107» автомобилининг маст ҳайдовчиси ЙПХ инспектори Ҳ. Ҳайитовни уриб кетган эди.
Изоҳ (0)