Президентнинг «Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази фаолиятини такомиллаштириш тўғрисида»ги қарори эълон қилинди, деб ёзади Norma.
Президентнинг 26 январдаги фармонига мувофиқ, 2019/2020 ўқув йилидан бошлаб касб-ҳунар коллежларига фақат 11-синф битирувчилари қабул қилиниши белгилаб қўйилган эди. Таълим муассасаларининг ўзлари вазирликлар, идоралар, тижорат банклари, хўжалик бирлашмалари ва йирик корхоналар балансига берилади.
Янги қарорда касб-ҳунар коллежлари фаолиятини молиялаштириш манбалари белгилаб қўйилди.
Вазирликлар ва идораларнинг иқтисодиётнинг тегишли тармоқлари учун кадрлар тайёрлашга ихтисослаштирилган касб-ҳунар коллежлари фаолиятини молиялаштиришнинг асосий манбалари этиб:
- тўлов-контракт асосида ўқиш учун тушадиган маблағлар;
- вазирликлар ва идораларнинг ушбу мақсадларга харажатлар сметасида ҳар йили назарда тутиладиган бюджет маблағлари ва бюджетдан ташқари маблағлари;
- қонун ҳужжатларида тақиқланмаган бошқа манбалар маблағлари белгиланди.
- тўлов-контракт асосида ўқиш учун тушадиган маблағлар;
- хўжалик бирлашмалари, тижорат банклари ва йирик корхоналарнинг маблағлари;
- қонун ҳужжатларида тақиқланмаган бошқа манбалар маблағлари белгиланди.
Кам таъминланган оилалардан ўқувчилар касб-ҳунар (кўп тармоқли) коллежларида, уларнинг идоравий мансублигидан қатъи назар, бепул асосда ўқитилади.
Молия вазирлиги ҳар йили касб-ҳунар коллежларида тўлов-контракт асосида ўқитиш қиймати миқдорларини белгилайди.
Касб-ҳунар коллежларида давлат гранти асосида таълим олган битирувчилар ҳудудларда камида уч йил ишлаб беради.
Изоҳ (0)