«Ёшлар уйлари»ни тақсимлашнинг шаффофлигини таъминлашга қаратилган электрон навбат тизими синов тартибида ишга туширилди. Бу ҳақда ЎзА хабар бермоқда.
Ёшлар иттифоқи Марказий Кенгаши ҳузуридаги Республика комиссияси томонидан ҳисобга қўйилган номзодлар электрон навбатда қайд этилади ҳамда ҳудудлардаги уйларнинг топширилиш жараёнига қараб номзоднинг навбат рақами тизимли равишда ўзгариб боради. Ушбу тизим орқали ёш оила вакиллари уйидан чиқмаган ҳолда ўз навбатини унга берилган махсус ID-код асосида мунтазам равишда кузатиб бориш имкониятига эга бўлади.
«Ёшлар уйлари»дан бирини сотиб олиш учун ҳужжатларини Ўзбекистон ёшлар иттифоқи туман (шаҳар) кенгашига тақдим этган номзодлар ҳудудий ҳамда Республика комиссиялари ишини онлайн кузатиб боришнинг ҳам электрон тизими синов тартибида ишга туширилмоқда. Мазкур тизим орқали ёш оилалар ҳудудий ва Республика комиссиялари хулосаси билан шахсан танишиши мумкин.
Изоҳ (0)