Samsung компанияси Европа ва Кореяда Uhssup савдо белгисини рўйхатдан ўтказди, деб ёзади Hi-Tech Mail.Ru.
Ҳужжатларда Samsung ижтимоий дастурни «фойдаланувчининг жойлашган жойини акс эттириш ва бўлишиш, шунингдек, бошқа фойдаланувчиларни қидириш, топиш ва улар билан ҳамкорлик қилиш» имконини берувчи дастур сифатида таърифлаган.
Facebook’ка тегишли WhatsApp мессенжери, шунингдек, Google Maps жойлашган жойни реал вақтда кузатиш функциясини жорий қилганига анча бўлган. Samsung дастурга нима сабабдан бундай ном бергани тушунарсиз, эҳтимол бу қандайдир корейсча иборанинг талаффузи бўлиши мумкин.
Uhssup мобил қурилмалар эгаларига дастур орқали бир-бирини тезкорлик билан топиш ва осон алоқага киришиш имкониятини беради. Samsung Galaxy S9 ва S9+ нинг 25 февраль куни Барселонадаги тақдимотида у ҳақда кўпроқ нарса ошкор бўлиши кутилмоқда.
Изоҳ (0)