Ўзбекистонда аҳолини рақамли телеузатиш билан қамраб олиниш даражаси 100 фоизга етди. Бу ҳақда Ахборот технологиялари ва коммуникацияларини ривожлантириш вазирлиги маълум қилди, дея хабар беради «Infocom.uz».
Ўзбекистон ҳукуматининг бу борадаги тегишли қарори ижросини таъминлаш мақсадида республика ҳудудида 90 комплект кучли ва 404 комплект кам қувватга эга рақамли телеузатиш қурилмалари ўрнатилди ва ишга туширилди. Натижада мамлакатдаги барча аҳоли пунктлари рақамли телеузатиш билан қамраб олинди.
Шу тариқа, мамлакатда рақамли телевидениега ўтиш якунланиб, аналогли телеузатиш тўхтатилмоқда.
Тасдиқланган жадвалга кўра, Тошкент шаҳрида аналогли телеузатиш 2018 йил 15 июлдан, Ўзбекистоннинг бутун ҳудудида эса 2018 йил 5 декабргача тўхтатилади.
Изоҳ (0)