Сочидаги «Сириус» таълим марказида Урал лойиҳа сменаси иштирокчилари магнитли нанозаррачалар ёрдамида сунъий тери яратишни таклиф қилди, деб ёзади «Naukatv.ru». Лойиҳани экспертлар юқори бешликка киритди.
Ишланма биотиббиётда, хусусан, тери трансплантациясида қўлланилиши мумкин, истиқболда эса бошқа кўп қатламли органларни ҳам яратиш имконини беради.
«Услубият қуйидагича кўринишга эга: ҳужайралар углеродли қобиқдаги магнитли нанозаррачалар билан ‘озиқлантирилади’ ва магнит майдони таъсирига йўлиқтирилади, шундан сўнг улар юза тепасига кўтарилади, бу эса одам териси хусусиятларига ўхшаш бўлган кўп қатламли тузилмани яратиш имкониятини беради», — деди лойиҳа муаллифларидан бири Кристина Зуева.
Урал лойиҳа сменасида Урал-Сибирь ҳудудидан 97 нафар 8—10-синф ўқувчилари қатнашди.
Изоҳ (0)