Ақтўбедаги автобус ҳалокати қурбонларига бағишланган хайрияда қарийб 220 млн сўм йиғилди

Ақтўбеда фожиали тарзда ҳалок бўлган ўзбекистонликларга атаб ўтказилаётган хайрияда 220 миллион сўмга яқин маблағ йиғилди, дея маълум қилди блогер Хушнудбек Худайбердиев.

Унинг ёзишича, ташкилотчилар хайрия доирасида эҳсонларни шунчаки пул кўринишида бермасдан, мақсадли сарфлашни режалаштирмоқда.

Буни блогер қуйидагича тушунтириб берган:

• Масалан, кимдир фарзандининг контрактини тўлаш учун йўлга чиққан бўлса, ўша контрактни тўлаб бермоқчимиз.
• Кимдир бўйнидаги қарзини қайтариш учун сафарга чиққан бўлса, қарз қиёматга қолмаслиги учун уни узмоқчимиз (далиллар бўлганда албатта).
• Кимдир оиласидаги бирон яқинини даволатиш учун йўлга чиққан бўлса, эҳсонни дори-дармонга йўналтирмоқчимиз.
• Агар сафарга чиқишдан мақсад, моддий аҳволини яхшилаш, рўзғорини тебратиш бўлган бўлса, унда ўша оилада бева қолган опа-сингилларимизга келгусида оз бўлса-да ризқ топа олишлари учун моддий таъминот манбасини яратмоқчимиз.
• Бунда хонадонларга эҳтиёжлари ва хоҳишларига кўра тикув машинаси, қорамол ёки парранда олиб бериш ният қилинмоқда.
• Чунки пулда жон йўқ, 10 миллионни бир пасда сарфлаб қўйиш мумкин, аммо шуни мақсадли йўналтирсак яхши бўлармиди деб ўйлаяпмиз.
• Бунинг учун ҳар бир ҳудуддаги масъуллар билан боғландик. Улар бизга ёрдам беришмоқда.
• Биргина мисол, косонсойлик 8 нафар марҳумларнинг 7 нафари оилали, бир нечта фарзандларнинг оталари экан. Хусусан, раҳматли Аҳмаджон Зариповнинг 6 нафар қиз фарзандлари бўлиб, тўнғичи 18 ёш, кичиги 7 ёшда экан.
• Косонсойда асосан оила бошлиқлари вафот этганлигини ҳисобга олиб, уларнинг оиласига, қизларига тикув машиналари олиб беришни режа қиляпмиз.

Эслатиб ўтамиз:

Сўмда пул ўтказиш учун пластик рақами (исталган миқдорда, чекловлар йўқ):8600 3104 3723 2663 (Алоқабанк)Карта Нажмиддинов Баҳриддин номига очилган.

Россия ва МДҲдаги юртдошлар қуйидаги манзилга пул ўтказишлари мумкин:63900218 9070623784Юсупов Урал Хужакулович номига очилган («Сбербанк Maestro»)

Кореядаги юртдошлар қуйидаги манзилга пул ўтказишлари мумкин:1002-856-118459 Woori Bank (АТМдаги коди 020)Dadajonov Rakhimjon номига очилган

Хориждагилар PayPal тизими орқали қуйидаги манзилга пул ўтказишлари мумкин:paypal.me/AbrorjonKodirov (abrorkodirov.uz@gmail.com)

Саволлар туғилганда Telegram ва WhatsApp орқали +998946119998 (Хушнудбек) рақамига мурожаат қилишингиз мумкин.