Наманган вилоятининг Тўрақўрғон туманидаги 33-умумтаълим мактабида Ўзбекистон Фанлар академияси Ботаника институти директори, академик Комилжон Тожибоев билан учрашув бўлиб ўтди. Бу ҳақда ЎзА хабар бермоқда.
Шаҳанд қишлоғидан чиққан биринчи академик 1991 йилда 33-умумтаълим мактабининг 11-синфини аъло баҳоларга битириб, Наманган давлат университетининг биология факультетида таҳсил олди. Тумандаги 35-умумтаълим мактабида ёшларга биология фанидан сабоқ берди.
Сўнгра магистратурада билимини мустаҳкамлаб, илмий тадқиқот билан шуғулланиш йўлини танлаган ёш олим қисқа вақтда фан номзоди илмий даражасини олди. Мавзуга оид изланишларини давом эттириб, докторлик диссертациясини муваффақиятли ҳимоя қилди.
Учрашувда Комилжон Тожибоев ҳаётий тажрибалари ҳақида гапириб берди. Илм йўлининг машаққатларини енгиб ўтиш бўйича ёшларга асқотадиган маслаҳатлар берди.
Изоҳ (0)