Япониялик шифокор Сигэаки Хинохара 2017 йилда 105 ёшида вафот этди. У умрининг охиригача ўз беморларини даволашни давом эттирди. Унинг қабулига кириш учун беморлар 5 йил олдиндан навбатга ёзилган.
Ҳатто шундай табаррук ёшда баъзан бир кунда 18 соатлаб ишлаш билан ҳам шифокор Сигэаки Хинохара ўзининг ишлаш қобилияти ва узоқ умр кўриш сирларини ҳеч қачон яширгани йўқ. Бугун биз унинг бу борадаги энг машҳур олти ҳикматини эсга оламиз.
Нафақага чиқишни унутинг
«Нафақага кетманг. Агар бу сизга жуда зарур бўлса, унда белгиланган 65 ёшдан кечроқ чиқинг».У берган интервьюсида, ҳозир одамларнинг ўртача умр кўриш кўрсаткичи анча узайганини, 2015 йилда Японияда бу кўрсаткич 84 ёшни ташкил қилганини айтди. Айнан шунинг учун агар одамлар ўзига ажратилган муддатда тўла-тўкис яшашни хоҳласа, нафақага анча кечроқ чиқиши керак.
Енг, ухланг, вақтичоғлик қилинг
«Ҳаммамиз болалик пайтимизда вақтичоғлик қиларканмиз кўпинча ейишни ёки ухлашни ҳам унутиб қўйганимизни эслаймиз. Мен бу муносабатни катта бўлганимизда ҳам сақлаб қолишимиз керак деб ҳисоблайман. Яхшиси танани тушлик пайти ва ухлашга ётишнинг аниқ вақти каби ҳаддан зиёд кўп қоидалар билан чарчатмаслик керак».Вазнни назорат қилинг
«Нонуштада мен қаҳва, бир стакан сут ва бир ош қошиқ зайтун ёғи қўшилган озроқ апельсин шарбати ичаман. Зайтун ёғи томирлар учун жуда фойдали ва терини соғлом тутади. Тушликда одатда сут ва бироз печенье оламан, баъзан эса агар ҳаддан ташқари банд бўлсам, умуман ҳеч нарса емайман. Мен ҳеч қачон ўзимда кучли очликни ҳис қилмайман, чунки мен диққатимни ўз ишимга жалб қиламан. Кечки овқатда одатда сабзавотлар, озроқ балиқ ва гуруч ва бир ҳафтада икки марта 100 грамм ёғсиз гўшт ейман».Шифокорга кўр-кўрона ишонманг
«Агар шифокор сизга тестдан ўтиш ёки жарроҳлик амалиётини ўтказишни маслаҳат берса, ундан бундай ҳолатда ўзининг болаларига ёки хотинига ҳам шу тавсияни берган бўлармидингиз деб сўранг. Кенг тарқалган фикрларга қарамасдан, шифокорлар ҳаммани даволай олмайди. Шунинг учун кераксиз оғриққа сабаб бўлиш нимага керак? Мен мусиқа ва ҳайвонлар билан даволаш баъзан кўпчилик шифокорлар ўйлаганидан кўра анча яхшироқ ёрдам бериши мумкин деб ҳисоблайман».Оғриқлардан лаззат олинг
«Оғриқ сирли, уни унутишнинг энг яхши усули — бу албатта, ўзига овунчоқ топиш. Касалхоналар беморларнинг асосий эҳтиёжини қондириши керак: ҳамма хурсандчилик қилишни хоҳлайди. Мен ишлайдиган касалхона эса ўз беморларига мусиқали ва ҳайвонот терапиясини таклиф қилиши мумкин».Лифтлар ҳақида унутинг
«Мен мушакларим ҳаракат қилиш билан бирга тегишлича оғирликни ҳам олиши учун ҳар доим зинапоялар бўйлаб бир мартада икки поғона ўтказиб қадам ташлайман».Манба: Trendymen
Изоҳ (0)