Тошкент вилоятининг Ўртасарой ҳудуди яқинида Lacetti ва Nexia автомобиллари иштирокида йўл-транспорт ҳодисаси юз берди. Бу ҳақда Facebook’даги «Водители Ташкента» гуруҳида фотохабар қолдирилган.
Икки машина тўқнашув оқибатида Lacetti ағдарилиб кетган, Nexia эса жиддий зарарланган. Ҳодиса гувоҳларининг ёзишича, жабрланганлар орасида болалар ҳам бўлиши мумкин.
Фотохабар остида қолдирилган фикрларда фойдаланувчилар ҳайдовчиларни йўлларда қоидаларга риоя этишга, тезликни белгиланган меъёрдан оширмасликка чақирган.
Мазкур ҳодиса бўйича ҳудудий йўл ҳаракати хавфсизлиги хизматлари ҳозирча ҳеч қандай расмий ахборот тарқатганича йўқ.
Изоҳ (0)