Жорий йилда 22 минг 145 та кўп қаватли квартира ва уй-жой қурилиши мўлжалланмоқда. Бунда 16 минг 246 та кўп қаватли квартира ва уй-жой кам таъминланган оилаларга берилади, деб хабар берди ЎзА.
Ёш оилалар учун 658 та кўп қаватли квартира, Ички ишлар вазирлиги вакиллари учун 900 кўп қаватли уйлар, давлат ташкилотларида ишловчилар учун 974 та, профилактика нозирларига 1 минг 174 уй-жой, Мудофа вазирлиги вакиллари учун 1 минг 260 та, ҳарбий хизматчилар учун 50 кўп қаватли квартира, Фавқулодда вазиятлар вазирлиги қутқарувчиларига 468 та, миллий армия хизматчиларига 468та уй-жой берилади.
Мазкур қурилиш ишлари учун 4 триллиондан кўпроқ маблағ йўналтирилади
Эслатиб ўтамиз, 2017 йилда арзонлаштирилган уй-жойларнинг 1 ва 2 тоифалари учун бошланғич маблағлар 25 фоиздан 15 фоизгача туширилди.
Ўтган йили дастур асосида 25,5 мингта уй-жой қурилиши режалаштирилган эди.
Хусусан, 19 мингта уй-жой қурилиб, эгаларига берилди. Жумладан, уй-жойга муҳтож ва кам таъминланган оилалар учун 19,5 мингта уй-жой, ҳарбий хизматчилар учун 56 кўп қаватли уйлар, давлат ташкилотлари вакиллари учун 974 та, профилактика нозирларига 3 минг 829 та уй-жой ажратилди.
Мазкур уй-жойларнинг қолган қисми жорий йилнинг биринчи чорагига қадар эгаларига топширилиши кутилмоқда.
Бу уй-жойларни қуриш учун 3 триллион 350 миллиарддан кўпроқ маблағ йўналтирилди. Мазкур турар жой массивларида 440 километр сув тармоқлари, 340 километр электр, 330 километр газ тармоқлари, 291 километр автомобиль йўллари қурилди. 134 та инфратузилма барпо этилди.
Изоҳ (0)