Сурияда ИШИД тарафига ўтган германиялик рэп-қўшиқчи Денис Кусперт ҳалок бўлди. Бу ҳақда «Корреспондент.net» хабар бермоқда.
Deso Dogg деб ном олган ва Германияда жангарилар учун одам ёллаш билан фаол шуғулланиб келган Кусперт Дайр-аз-Завр вилоятининг Гараниж шаҳрига берилган авиазарба оқибатида ўлдирилди.
ИШИДнинг бир неча тарғибот роликларида иштирок этган қўшиқчининг ўлимини ИШИД нашрлари тасдиқлади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)