Тўрт нафар АҚШ сенатори Рекс Тиллерсонга Россияга қарши санкциялар бўйича маъруза тузишда бизнесмен Алишер Усмонов ва бош прокурор Юрий Чайкага «эътибор қаратиш»ни таклиф қилди, деб ёзади «ТАСС». Ҳисобот январь охиригача тузиб бўлиниши керак.
Тиллерсонга йўналтирилган мактубга Марко Рубио, Линдси Грэм, Рожер Уикер ва Кори Гарднер имзо қўйди. У Уикернинг сайтида эълон қилинди.
Сенаторлар даъво қилишича, Чайка ва Усмонов «халқаро матбуот хабарларида ва коррупцияга қарши текширувлар иштирокчилари баёнотларида тилга олинган».
Сенаторлар Чайка ва Усмонов Россия раҳбариятига алоқадор эканлигини ва шу сабабдан давлат департаментида тайёрланаётган потенциал санкция иштирокчилари рўйхатига киритилиши кераклигини қайд этди.
«Чин дилдан умид қиламизки, сиз Россия расмий шахслари ва олигархлари томонидан содир этилган коррупциялар ҳақидаги барча хабарларни диққат билан ўрганишда давом этасиз. Маъмуриятнинг бўлғуси маърузасига киритилиши керак бўлган шахсларнинг бир жуфт рамзий намуналарига ойдинлик киритдик, деб умид қиламиз», — дейилади сенаторлар хатида.
Изоҳ (0)