Франциянинг пойтахти Париж шаҳри яқинидаги қамоқхонадан тўрт нафар хорижлик фуқаро қамоқхона назоратчиларининг мамлакат бўйлаб бўлиб ўтаётган намойишларидан фойдаланиб, қочиб кетган. Бу ҳақда «РИА Новости» хабар берди.
Қочиш Палезо шаҳрида 17 январга ўтар кечаси юз берган. Маҳкумлар ойна панжараларини арралаган ва чойшабларни бир-бирига улаб тайёрланган арқондан пастга тушиб, қочиб кетган. Қочиб кетганларнинг фуқаролиги маълум қилинмаган.
Маълумотларга кўра, қамоқхонада 20 нафар маҳкумга атиги тўрт нафар полициячи тўғри келган ва улар бир неча сменада ишлашга мажбур бўлган.
Изоҳ (0)