Қорақалпоғистон Республикаси Тўрткўл туманида 2 минг 500 гектар майдонга аччиқ қалампир экиш режалаштирилмоқда. Унинг 1 минг 890 гектари фермер хўжаликлари ерига, 610 гектари аҳоли томорқасига экилади. Бу ҳақда Тўрткўл тумани ҳокимлигида аччиқ қалампир етиштириш, унинг технологияси ва афзалликларига бағишлаб ўтказилган ҳудудий семинарда шу ҳақида маълум қилинди, деб хабар берди ЎзА.
Шавкат Мирзиёев 2017 йил 15—16 декабрь кунлари Қорақалпоғистон Республикасига ташрифи чоғида озиқ-овқат саноати соҳасида амалга оширилаётган инвестициявий лойиҳалар, шунингдек, томорқа ерлардан самарали фойдаланиш дастури лойиҳаси билан танишиб, уларни янада такомиллаштириш ва ўз вақтида амалга ошириш юзасидан топшириқлар берган эди. Жумладан, бугунги кунда жаҳон бозорида талаб ортиб бораётган аччиқ қалампир экиш, уни етиштириш ва экспорт қилиш бўйича вазифалар белгилаб берган эди.
Тадбирда Тўрткўл, Беруний, Элликқалъа туманларининг қишлоқ ва сув хўжалиги соҳаси мутахассислари, фермерлер, деҳқон хўжаликлари ҳамда томорқа ер эгалари иштирок этди.
Изоҳ (0)