Ташқи ишлар вазирлиги ва хориждаги элчихоналар фаолияти таҳлилига бағишланган видеоселектор йиғилишида Шавкат Мирзиёев элчиларни ҳар томонлама рағбатлантириш, ижтимоий қўллаб-қувватлаш зарурлигини таъкидлади. Бу ҳақда ЎзА хабар бермоқда.
Афсуски, бизда ўз миссиясини бажариб қайтган юқори малакали дипломат ходимларга муносиб иш бериш, уларга ҳурмат-эътибор кўрсатиш масаласи эътибордан четда қолган.Президент Тошкент шаҳрида вазирлик тизимидаги ходимлар, чет элларда ишлаб келган дипломатлар учун имтиёзли ипотека кредитлари асосида кўп қаватли уйлар қуриш зарурлигини қайд этди.Ўзининг ваколат муддатини тугатиб, юртимизга қайтган тажрибали элчи ва катта дипломатларимизни вазирлик, идора ва вилоят ҳокимликларидаги масъул раҳбарлик лавозимларига тайинлаш тартибини жорий қилиш лозим, деб ҳисоблайман.
Шу тариқа элчи ва дипломатларимизнинг хорижда орттирган бой тажриба ва билимларидан тармоқ ва ҳудудларимизнинг халқаро алоқаларини ривожлантириш, шунингдек, экспорт ҳажмини ошириш ва инвестицияларни жалб этишда фойдаланиш имконияти пайдо бўлади.
Шавкат Мирзиёев, Ўзбекистон Президенти
Изоҳ (0)