KXDR Janubiy Koreyani mamlakat hududida AQSh bilan hamkorlikda o‘tkaziladigan harbiy manyovrlardan tamomila voz kechishga chorladi, deb xabar beradi “TASS”.
“Muloqot va urush repetitsiyasi parallel ravishda olib borilishi mumkin emas. AQSh va Janubiy Koreya harbiy manyovrlarni ortga surishi emas, ulardan batamom voz kechishi kerak”, — deyiladi xabarda.
Avvalroq Seul va Vashington har yili o‘tkaziladigan barcha turdagi qo‘shinlar ishtirokidagi Foal Eagle manyovri va Key Resolve qo‘mondonlik-shtab mashg‘ulotlarini keyinroqqa qoldirgani haqida ma’lum qilingan edi.
Mazkur harbiy harakatlar odatda Olimpiya va Paralimpiya o‘yinlari o‘tkaziladigan fevral-mart oylarida o‘tkazilar edi.
Olimpiada Janubiy Koreyaning KXDR chegarasidan 80 kilometr uzoqlikda joylashgan Pxyonchxan uyezdida 9—25-fevral kunlari, paralimpiada esa 9—19-mart kunlari bo‘lib o‘tadi.
Pxenyan AQSh — Janubiy Koreya harbiy manyovrlarini KXDR ittifoqdoshlariga qarshi hujum repetitsiyasi deb hisoblaydi.
So‘nggi yillarda Foal Eagle manyovrlarida 200 mingdan 300 ming nafargacha harbiy xizmatchilar ishtirok etib, ularga Amerika strategik qurollari jalb qilinmoqda.
Izoh (0)