Тошкент шаҳар ИИББ ходимлари томонидан Бектемир тумани ҳудудида 1973 йилда туғилган Виталий Кулев тўхтатилиб текширилганда, унинг ёнидан 102,62 грамм марихуана топилди. Бу ҳақда ИИББ матбуот хизмати маълум қилди.
Ҳолат юзасидан ЖКнинг 276-моддаси 2-қисми «а» банди (гиёҳвандлик воситаларини ўтказиш мақсадини кўзламай, кўп миқдорда қонунга хилоф равишда сақлаш) аломатлари билан жиноят иши қўзғатилди.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
Изоҳ (0)