2017 йил декабрида Венесуэлада истеъмол нархлари 85 фоизга ўсди, йил мобайнида тўпланган инфляция 2616 фоизни ташкил этди. Бу ҳақда мамлакат парламентининг молия ва иқтисодий ривожланиш комиссияси раҳбари Рафаэль Гусман маълум қилди, дея хабар беради «РБК».
Президент Николас Мадурога мухолифатдаги коалиция вакилига кўра, Венесуэла 2017 йилда гиперинфляция қайд этилган дунёдаги ягона давлат бўлди.
«Декабрдаги 85 фоизли инфляциянинг ўзи Лотин Америкасидаги бошқа барча давлатлардаги инфляцияни жамлаганда ҳам кўп. Бунга Марказий банк ҳукуматни молиялаштириш учун пулларни чоп этишда давом этаётгани сабаб бўлмоқда», — деди Гусман.
Депутат расмийлар мухолифат таклиф этаётган чоралардан инобатга олмаган тақдирда 2018 йили мамлакатда инфляция 14 минг фоизга етиши мумкинлиги ҳақида огоҳлантирди.
Изоҳ (0)