Адлия вазирлиги ҳамда Ёшлар иттифоқи янги ижтимоий роликни тақдим этди. Қонунбузарлик ва қонун устуворлиги масалаларига бағишланган ролик Ёшлар иттифоқи раиси Қаҳрамон Қуронбоевнинг Facebook’даги саҳифасига жойлаштирилди.
Роликда актёрлар Алишер Узоқов ва Акбархўжа Расуловлар иштирок этган. Сюжетга мувофиқ, ҳуқуқ-тартибот идоралари ходимлари вертолёт, машина ва мотоциклларда Алишер Узоқовни таъқиб этади, айни пайтда у Акбархўжа Расуловнинг қаҳрамони билан суҳбат олиб боради.
«Қонун ҳамма учун, ҳар вақт баробар ва устувор эканини яна бир бор ёдга солувчи мазкур ролик Ёш киноижодкорлар кенгаши ва Кинематографияни ривожлантириш маркази томонидан суратга олинган», — деб таъриф беради роликка Қаҳрамон Қуронбоев.
Ролик режиссёри — Ёшлар иттифоқининг «Йилнинг энг яхши ёш кино режиссёри» мукофоти ҳамда PROlogue – 2017 фестивали бош соврини соҳиби, Ёш киноижодкорлар кенгаши аъзоси Мухлиса Азизова.
Изоҳ (0)