Фотогалерея: Ўзбек интернетида янги тренд — дўппи ва рўмол флешмоби

Facebook’нинг ўзбек тилли сегментида янги тренд машҳур бўлди — фойдаланувчилар бошига дўппи кийиб тушган суратларини ўз саҳифаларига жойлаштириб бормоқда.

Янги флешмоб ўзбек миллий либосининг муҳим элементларидан бири бўлган дўппини оммалаштиришга қаратилган. Флешмобни дастлаб BBC ўзбек хизмати журналистлари Рустам Қобил ва Паҳлавон Содиқ бошлаб берди.

«Ўзбек дўппи флешмоб. Дўппилилар борми?», — деб ёзди саҳифасида Рустам Қобил ва қуйидаги суратни жойлаштирди:

Шундан сўнг ижтимоий тармоқнинг кўплаб фаоллари #doppikiyamiz, #dõppi, #дўппи, #doppi хештеглари остида акцияга қўшилди.

Тожикистонлик, афғонистонлик ўзбеклар, шунингдек, ўзбек маданиятига қизиқувчи бошқа давлатлар вакиллари ҳам акциядан четда қолмади.

Флешмобга энг ёш вазир ўринбосари Алишер Саъдуллаев ҳам қўшилди:

Ҳазилларга ҳам ўрин топилди — баъзи фойдаланувчилар ўз суратларига эмас, профилларига жойлаштирилган фотоларга дўппи «кийдириб қўйди»:

Ўз навбатида, Facebook’нинг ўзбек сегменти хотин-қизлари #рўмол хештегини олға сурди ва рўмол ўраб тушган суратларини жойлаштира бошлади.