5 январь куни Ҳиндистон шимолидаги Купвара — Тандхар автотрассасига қор кўчиши оқибатида камида 11 киши ҳалок бўлди, уч киши оғир жароҳат олди. Бу ҳақда «ТАСС» хабар бермоқда.
Ноқулай об-ҳаво шароитларида альпинистлар, ҳарбийлар ва полиция томонидан бир суткадан кўпроқ олиб борилган қутқарув ишлари вақтида уч нафар жароҳатланган фуқаро ва 11 кишининг жасади (улардан тўрт нафари наҳаллий аҳоли вакиллари, етти нафари эса Ҳимолай тоғларига қўшни вилоятлардан дам олишга келганлар эди) топилди.
Жамму ва Кашмир вилоятининг бош вазири Маҳбуба Муфтий ҳалок бўлганларнинг оила аъзоларига ҳамдардлик билдирди ва Купвара округи маъмуриятига жароҳатланганларга зарурий тиббий ёрдам кўрсатиш ҳақида кўрсатма берди.
Ҳалок бўлганларнинг оила аъзолари 400 минг рупия (6 минг доллар) миқдорида компенсация олади. Жароҳатланганларга эса 12,6 минг рупия (200 доллар) атрофида моддий ёрдам берилади.
Изоҳ (0)