Ўзбекистон ёшлар иттифоқи мамлакатдаги иқтисодиёт йўналишига ихтисослашган олий таълим муассасасалари билан биргаликда молия органларига ишга қабул қилиш учун фаол ёшлар ва талабалардан номзодлар захирасини яратиш борасида ишларни бошлаб юборди. Бу ҳақда ЎзА хабар бермоқда.
Ёшлар иттифоқининг веб-сайти ва ижтимоий тармоқларда берилган эълонлар асосида молия органларида ишлаш истагини билдирган 3,1 мингдан ортиқ йигит-қиз орасидан 490 нафари сараланиб, Молия вазирлигига тавсия этилди.
Шунингдек, вазирликнинг Ёшлар етакчилари кенгашига ҳам соҳада ишлашни мақсад қилган 90 дан ортиқ ёшнинг ҳужжатлари келиб тушди.
Айни кунларда Молия вазирлиги тизимидаги мавжуд бўш иш ўринларини замонавий кўникмалар, инновацион ғояларга эга бўлган ёш мутахассислар билан тўлдириш амалга оширилмоқда.
Изоҳ (0)