Ички ишлар органларининг олиб борган тезкор тадбирлари натижасида, Чирчиқ шаҳрида содир этилган ўғрилик жинояти «иссиқ изи»дан фош этилди, деб хабар берди Тошкент вилояти ИИБ матбуот хизмати.
Дастлабки тергов ҳаракатлари давомида тўпланган ҳужжатларга кўра, 1989 йилда туғилган фуқаро Ғулом Раҳимов 2017 йил 28 ноябрдан 29 ноябрга ўтар кечаси Чирчиқ шаҳар 8 март кўчасида жойлашган чойхоналардан бирида туғилган кунини нишонлаган, спиртли ичимликлар истеъмол қилган. Туғилган кунига меҳмон бўлиб келган Қибрай туманида яшовчи Алишер Ғуломовнинг машинасининг олд ойнасини синдириб, машинада бўлган сумкадаги 22 миллион сўм миқдоридаги пулларни ўғирлаб яшириб қўйган.
Фуқаро Ғулом Раҳимов ўзининг содир этган хатти-ҳаракатлари билан ўғрилик жиноятини содир этиб, ички ишлар органлари ходимлари томонидан унинг жинояти фош этилди.
Ҳозирги вақтда Ғулом Раҳимовга нисбатан Ўзбекистон Республикаси Жиноят Кодексининг тегишли моддаларига асосан жиноят иши қўзғатилиб, тергов ҳаракатлари олиб борилмоқда. Жабрланувчига етказилган зарар гумонланувчи томонидан тўлиқ қопланди.
Изоҳ (0)