Ўзбекистонда 2018 йилги Ҳаж зиёрати учун тўлов қиймати сезиларли (45 миллион сўмгача) оширилгани ҳақида хабарлар пайдо бўлган эди. Ўзбекистон мусулмонлари идораси Тошкент шаҳар вакиллиги, шунингдек, Вазирлар Маҳкамаси ҳузуридаги Дин ишлари бўйича қўмита бу хабарларга муносабат билдирди.
Мавзуга доир: Манба: Ўзбекистонда Ҳаж зиёрати учун тўлов 45 млн сўмгача оширилгани ҳақидаги гап-сўзлар асоссиз
Куни кеча ижтимоий тармоқларда пайдо бўлган 2018 йилда Ўзбекистонда Ҳаж зиёрати учун нархнинг анча қимматлашгани ҳақидаги хабарлар турли фикрлар, тортишувларга сабаб бўлмоқда.Дин ишлари бўйича қўмита Ҳаж мавсумига тайёргарлик Саудия Арабистони Ҳаж ва Умра ишлари вазири билан бўлиб ўтадиган учрашувдан сўнг бошланишини маълум қилган.Ачинарлиси, бундай асоссиз маълумотни масжид имом-хатиби қандайдир миш-мишларга ишониб ўз саҳифасида тарқатган... Аслида имом-хатиб Ҳаж зиёрати нархи бўйича ҳеч қандай расмий маълумотга эга эмас.
Ҳозирда 2018 йилда Умра зиёратига борувчи фуқаролардан тўловлар қабул қилинмоқда. 2018 йилги Ҳаж бўйича ҳеч қандай аниқ нарх белгиланмаган ва тахминлар ҳам йўқ.
Ҳозирги кунда интернет сайтлари, ижтимоий тармоқлар ҳамда оммавий ахборот воситаларида Ҳаж мавсумининг нархи масаласида билдирилган маълумот фуқаролар орасида турли асоссиз муҳокамаларга сабаб бўлмоқда...Ҳаж мавсумига тайёргарлик ишлари Ўзбекистон делегациясининг Саудия Арабистони Ҳаж ва Умра ишлари вазири билан бўлиб ўтадиган учрашувдан сўнг бошланади. Ушбу учрашувда Ҳаж мавсумини намунали, тартибли ва энг юқори даражада ўтказиш масалалари муҳокама қилинади...
Фуқароларимиздан мазкур масалаларда мутасадди вазирлик ва идоралар берган маълумотларга эътибор қаратишларини, ҳар қандай нохолис маълумотларга ишониб кетавермасликларини тавсия этамиз.
Изоҳ (0)