Энрике Иглесиаснинг «Истиқлол»даги концерти қандай ўтди? (фото ва видео)

28 декабрь куни испаниялик жаҳонга машхур хонанда Энрике Иглесиас илк марта Ўзбекистонга ташриф буюриб, «Истиқлол» санъат саройида концерт дастурини тақдим этди.

Концертга ташриф буюрган ўзбек шоу-бизнеси вакиллари ижтимоий тармоқлардаги саҳифаларига концерт дастуридан фото ва видеоларни жойлаштириб, чипта сотилмагани боис, концертга туша олмаган хонанданинг мухлислари учун ўзига хос репортажни тақдим этди.

Хусусан, Энрике пешонасидан ўпиб қўйган хонанда Нилуфар орзуси ушалганини маълум қилди.

https://www.instagram.com/p/BdQYmlFlaOx/?hl=en&taken-by=nilufar_official

Ўзбекистонда хизмат кўрсатган артист Сардор Раҳимхон эса Энрикега «Ўзи испан бўлса ҳам, тарбияси ўзбекона экан» дея таъриф берди. Унинг таъкидлашича, Иглесиас ҳамма мухлисларига ҳурмат ва эҳтиром билан муносабатда бўлган.

https://www.instagram.com/p/BdQQam4B9Xi/?taken-by=sardorahimxon

Дизайнер Дилноза Умурзоқованинг қайд этишича, Энрике балконда ўтирган томошабинларга ҳам жуда яхши кўринган. Дилнозанинг ёзишича, Энрике мухлисларига қулайлик яратиш мақсадида махсус эффектлар техникасини ўзи олиб келган.

https://www.instagram.com/p/BdQUtXBhBvTj06hZYRk_1EjYym_VQIjzxMd5p00/?taken-by=dilnozaumirzakova

Ўзбекистонлик хонанда Улуғбек Исмоилов ўз кумири Энрике Иглесиас билан саҳнада дуэт куйлаш бахтига сазовор бўлди. Улуғбек севимли хонандаси билан бундан бир неча йил аввал Москвада ўтган концертда ҳам дуэт куйлаб, Иглесиаснинг назарига тушган эди.

https://www.instagram.com/p/BdQUUo5FySS/?taken-by=ulugbekismailov

Хонанда ўзига мухлислари томонидан тақдим этилган бирорта ҳам гулдастани ерга қўймаган, балки гулларни саҳна тўридаги жойга қўйиб, куйлашда давом этган.

Ижтимоий тармоқлар фойдаланувчиларидан бирининг ёзишича, концертнинг биринчи қўшиғи янграётган пайтда ҳамма томошабинлар жойида ўтирган, кейинги қўшиқларда эса ҳамма ўрнидан туриб хонанда билан бирга куйлаган ва рақсга тушган.

https://www.instagram.com/p/BdQkjd5gZAB/?taken-by=shukurullo_isroilovoriginal

«Sayyod.com»нинг ёзишича, салкам бир соат кеч бошланган концерт бир соатча давом этган.

Концертга бора олмаган айрим шоу-бизнес вакиллари Instagram’га қўлда тайёрланган ўзига хос чиптанинг суратини жойлаштириб, интернет фойдаланувчилари юзида кулги уйғотди.

https://www.instagram.com/p/BdQVw4nBaZl/?taken-by=abduraxmon_mavlonov