Чеченистон раҳбари Рамзан Қодиров Facebook’даги саҳифаси блоклаб қўйилишини «майда оворагарчилик» деб атади. Бу ҳақда у Twitter’да ёзди.
«Facebook аккаунтим ‘АҚШ томонидан тақиқланган шахслар’ рўйхати туфайли ёпилганини маълум қилди. АҚШнинг бундай майда оворагарчилигига хотиржам қарайман. Аммо саволим Facebook’га ва молия вазирлигига. Сизнинг мақталган демократиянгиз ва фуқароларнинг ахборот олиш ҳуқуқи қаерда қолди? Ёки 4 миллион обуначининг фикри ҳеч қандай аҳамиятга эга эмасми?» — деб ёзди Қодиров.
Эслатиб ўтамиз, Американинг Facebook компанияси Чеченистон Республикаси раҳбари Рамзан Қодировнинг аккаунти блокланишини унинг АҚШ санкциявий рўйхатига киритилгани билан изоҳлади.
Изоҳ (0)