АҚШнинг Висконсин штатида яшовчи Деннис Ковальски «яшаш учун иккинчи имконият»га эга бўлиш мақсадида ўзини ва ўз оиласи аъзоларини суюқ азотда музлатиб қўйишга қарор қилди, деб ёзади «РИА Новости».
Ковальски ўзи шартнома тузган Крионика институти президентидир. Ўлимидан кейин уни, рафиқаси Марияни ва уч ўғлини криоген камерада музлатиб қўйишлари учун у жами 140 минг доллар тўлади. Парамедикнинг сўзларига кўра, бу уларга «келажакда янгиланган ҳаётда яшаш учун имконият» беради.
Вафотларидан кейин Деннис ва оиласи аъзоларининг жасадлари музлатилади ва Мичиган штатидаги Крионика институтига келтирилади. У ерда уларнинг қони антифриз билан алмаштирилади, жасадлар эса суюқ азотли камераларга қўйилади. Бундай жараён нархи бир киши учун 28 минг долларга тенг.
Ковальскининг сўзларига кўра, бугунги кунда 2000 киши музлатиб қўйилиш учун рўйхатдан ўтган, 160 та жасад эса аллақачон криоген камераларга жойлаштирилган.
«Биз ҳаммамиз ҳеч нарса кафолатланмаганлигини тушунамиз… Аммо келажакда бизни нималар кутаётганини ҳеч ким билмайди», — дея хулоса қилди оила бошлиғи.
Изоҳ (0)