Журналист Мақсад Жангиров Ўзбекистондаги биринчи ва ягона гўзаллик танлови — Model of the World in Uzbekistan 2008 га тайёргарлик кўриш жараёни акс этган суратлар билан бўлишди.
«Тошкентлик қиз «Коинот гўзали 2018» халқаро гўзалли танловининг 1/8 финали иштирокчисига айлангани ҳақида маълумот пайдо бўлди. Унинг юзи таниш туюлди. Архивларни ковлаб кўрдим. Топдим. 2008 йил, Тошкент. Ўзбекистондаги биринчи ва ягона гўзаллик танлови — Model of the World in Uzbekistan 2008», — деб ёзди журналист Facebook’даги саҳифасида.
«Ташкилотчилар кўрмай турган пайтда бир нечта кадрлар олишга улгурдим. Ўша вақтда моделларга нисбатан нотўғри фикрда бўлишарди, мен эса улар ҳоли-жони қолмай чарчагунча ишлаганини кўрдим… Уларга нисбатан ҳурматим ошди. Орадан ўн йил ўтди… аммо улар ўзларини бу эски фотосуратларда таний оладими? ‘Коинот гўзали 2018’ танловининг тошкентлик иштирокчиси ўзини таниб олармикан?» — дея журналист суратларни илова қилди.
«Ўзбекистонни севадиганлар учун» деб номланган гуруҳга жойланган пост остида мавзу қаҳрамони — Азиза Нурмуҳаммедова ўз изоҳини қолдирди ва ўзини таниганини билдирди.
Изоҳ (0)