Россия президенти Владимир Путин Москвада МДҲ мамлакатлари раҳбарлари билан бўлиб ўтадиган норасмий учрашувда Россиянинг 2017 йилда Ҳамдўстликдаги раислиги якунларини муҳокама қилади, деб ёзади «ТАСС» Кремль матбуот хизматига таяниб. Учрашув иштирокчилари турли соҳалардаги ҳамкорликларни янада ривожлантириш масалалари бўйича фикр алмашади.
Саммитда Путиндан ташқари, Озарбайжон президенти Илҳом Алиев, Арманистон президенти Серж Саргсян, Беларусь президенти Александр Лукашенко, Қозоғистон президенти Нурсултон Назарбоев, Қирғизистон президенти Сооронбай Жээнбеков, Молдова президенти Игорь Додон, Тожикистон президенти Эмомали Раҳмон ва Ўзбекистон президенти Шавкат Мирзиёев қатнашади.
«Ўйлайманки, яқин орада, шу ой охирида яна бир марта тўпланамиз ва бу борада (рақамли технологиялар ҳақида) яна бир марта гаплашиб оламиз, бу энди норасмий бўлади. Умид қиламанки, биз йиғилишамиз, МДҲ доирасида норасмий учрашув бўлади», — деган эди Путин 14 декабрдаги катта матбуот анжуманида.
Изоҳ (0)