«Барселона» Суперкубок учун «Реал»дан аламини олди ва «Сантьяго Бернабеу»дан йирик ғалаба билан қайтди

Испания Ла Лигасининг 2017 йилдаги сўнгги турида икки азалий рақиб — «Реал» ва «Барселона» клублари Мадриддаги «Сантьяго Бернабеу» стадионида тўқнаш келди.

Бунгача «Барселона» ортда қолган 16 та ўйиннинг бирортасида ҳам мағлуб бўлмай, Ла Лига пешқадами бўлиб турганди. Клублар ўртасидаги Жаҳон Чемпионатида кетма-кет икки бор зафар қучган «Реал» эса ички чемпионатда кучли тўртликни якунлаб турганди. Уларнинг ўзаро ўйинида каталониялик футболчиларнинг қўли баланд келди.

Луис Суарес, Лионель Месси ҳамда Алейш Видаль томонидан урилган голларга «қироллик клуби» аъзолари жавоб қайтара олмади. 63-дақиқада «Реал» ҳимоячиси Даниэль Карвахаль дарвозага кириб кетаётган тўпни қўли билан қайтаргани учун қизил карточкага лойиқ кўрилди.

Шу тариқа «Барселона» ва «Реал» ўртасидаги очколар фарқи янги йилга қадар 14 тани ташкил қиладиган бўлди. Бу эса чемпионлик учун ташланган асосий қадам деганидир. Мазкур тур Мадриднинг бошқа бир клуби «Атлетико» учун ҳам омадсиз келиб, Диего Симеоне бошқарувидаги жамоа мавсумдаги илк мағлубиятини қабул қилиб олганди.

Мавсум аввалида «Реал» Испания Суперкубоги учун кечган кетма-кет икки ўйинда «Барселона»дан устун келганди. «Камп Ноу»дан 3:1 ҳисобидаги ғалаба билан қайтган «Реал», ўз уйида рақибини 2:0 ҳисобида таслим қилганди. «Барселона» мазкур «Эль-Класико»да бунинг аламини ола билди.

Испания Ла Лигаси 17-тур беллашувлари 23 декабрь, шанба

«Реал Мадрид» — «Барселона» 0:3

«Реал Мадрид»: Кейлор Навас — Рафаэль Варан, Марсело, Даниэль Карвахаль, Серхио Рамос, Матео Ковачич (Гарет Бэйл, 72), Каземиро (Марко Асенсио, 72), Лука Модрич, Тони Кроос, Карим Бензема (Начо, 66), Криштиану Роналду.

«Барселона»: Марк Андре тер Штеген — Вермален, Жерар Пике, Хорди Альба, Паулиньо (Андре Гомеш, 84), Сержи Роберто (Алейш Видаль, 90), Сержи Бускетс, Иван Ракитич, Андрес Иньеста (Нелсен Семедо, 77), Лионель Месси, Луис Суарес.

«Валенсия» — «Вильярреал» 20:15«Депортиво» — «Сельта» 22:30