АҚШ президенти Дональд Трамп томонидан имзоланган ҳарбий бюджет лойиҳаси ҳарбий-ҳаво кучлари раҳбариятига АҚШдан ташқарида ер майдонларини сотиб олиш ва инфратузилма барпо этиш имкониятини беради, деб ёзади «РБК».
2018 йилда «Россияни тийиб туриш» дастури доирасида Исландия, Норвегия, шунингдек, Шарқий Европанинг кўпчилик мамлакатларида ҳарбий объектлар қурилишига қарийб 214 миллион доллар сарфлаш режалаштирилмоқда.
Американинг Европадаги ҳарбий қўмондонлиги расмий вакили Хуан Мартинес сўзларига кўра, Европада янги аэродромлар ва машғулот лагерлари қурилиши АҚШ ва минтақадаги иттифоқдошларининг тайёргарлик даражасини ошириш имконини беради. Шу билан бирга, унинг таъкидлашича, АҚШ янги базаларга доимий персонални жойлаштирмоқчи эмас: объектлардан транспорт тугунлари сифатида фойдаланилади, у ерга, зарурият туғилганида, қўшимча кучларни жойлаштириш мумкин бўлади.
Изоҳ (0)